Një aksident tragjik është regjistruar në Casalnuovo, në provincën e Napolit në Itali. Një vajzë 7-vjeçare humbi jetën pasi u përplas nga makina e drejtuar nga nëna e saj.
Vajza e vogël ka ndërruar jetë menjëherë. Gruaja në një makinë të tipit “Audi A3” duke u kthyer mbrapsht, humbi kontrollin e makinës duke përplasur vogëlushen dhe një të njohurën e saj. Kjo e fundit shpëtoi pa dëmtime.
Fillimisht u përfol për një makinë pirate. Karabinierët po verifikojnë pse disa dëshmitarë raportuan këtë version.
Hipoteza është se ata u përpoqën të mbronin gruan. Trupi dhe automjeti u sekuestruan me urdhër të magjistraturës së Nolës.
