Gjykata e Apelit të Juridiksionit të Përgjithshëm ka lënë në fuqi vendimin e Gjykatës së Elbasanit. Vendimi shpall fajtor dhe dënon me burg dy të pandehurit. Ata tentuan të vrisnin 6 vite më parë biznesmenin Fuad Verzivollin. Vrasjen do ta kryenin duke i vendosur tritol në makinë.
Kështu është lënë në fuqi vendimi me burg për Astrit Sinanaj, i akuzuar për disa vepra penale. E njëjta masë u dha edhe për Thanas Thoma, i akuzuar për moskallëzim të krimit.
Në datën 6 maj të vitit 2017, Astrit Sinanaj vendosi 1 kg C4, poshtë makinës së biznesmenit Fuad Verzivolli. Lënda plasëse u konstatua nga një person në zonë. Ai telefonoi kushëririn e tij që punonte në polici.
