Prokuroria e Tiranës ka nisur zyrtarisht hetimet për Erion Ismailin, i cili mban aktualisht pozicionin e shefit të sektori të krimit ekonomik në Policinë e Tiranës.
Ismaili dyshohet se ka marrë ryshfet 10 mijë euro çdo muaj për të lejuar një call center të kryente lirisht veprimtarinë mashtruese me bursat ndaj qytetarëve europiane.
Dyshohet se shefi i krimit ekonomik Erion Ismaili merrte këtë shumë çdo muaj nga subjekti që ndodhej në rrugën e Kosovarëve në Tiranë, shkruan Report Tv.
Erion Ismaili është marrë në pyetje nga kolegët e tij, ku ka mohuar akuzat dhe mesazhet. Ndërkohë Karaj përpara hetuesve nuk ka pranuar të fliste, madje pas arrestimit mesohet se ka shfaqur probleme me zemrën dhe është dërguar në spital.
