Policia ka arrestuar 12 persona për vepra të ndryshme penale. Në njoftimin e policisë bëhet me dije se S. B 29 vjeç, banues në Tiranë dhe F. K 31 vjeç, banues në Krujë, u arrestuan pasi gjatë kontrolleve fizike sasi të vogla lënde të dyshuara narkotike kokainë.
Specialistët për Hetimin e Krimeve të Komisariatit të Policisë Nr. 1 arrestuan shtetasit F. C 63 vjeç, dhe G. Xh 49 vjeç, të dy banues në Tiranë.
Dy të arrestuarit me vetëgjyqësi, kanë prishur një objekt të cilin e kanë në pronësi të përbashkët me shtetasit L. K dhe A. M dhe si pasojë kanë dëmtuar rrjetin elektrik dhe kanë prishur qetësinë publike.
Specialistët për Hetimin e Krimeve të Komisariatit të Policisë Nr. 3 arrestuan shtetasin E. K., 31 vjeç, banues në Tiranë, pasi ka ushtruar dhunë ndaj nënës së tij.
Specialistët e Qarkullimit Rrugor arrestuan shtetasit:
- Y. Ç 34 vjeç, E. M., 24 vjeç, V. B., 44 vjeç, E. L., 45 vjeç, të katërt banues në Tiranë, pasi u kapën duke drejtuar automjetet, në gjendje të dehur;
-
J. Ç., 50 vjeç, banues në Tiranë, pasi u kap duke drejtuar motomjetin, në gjendje të dehur;
-
Sh. B., 43 vjeç, banues në Gramsh, pasi duke drejtuar automjetin në gjendje të dehur, ka humbur kontrollin mbi drejtimin e tij dhe si pasojë automjeti ka dalë nga rruga.
Materialet i kaluan Prokurorisë, për veprime të mëtejshme procedurale.
