I dërguari i posaçëm i Bashkimit Evropian për dialogun Kosovë-Serbi, Miroslav Lajçak është shprehur para takimit që do të zhvillohet nesër në Bruksel mes kryeministrit të Kosovës, Albin Kurti dhe presidentit të Serbisë, Aleksandër Vuçiç se do të jetë shumë i rëndësishëm.
Përmes një postimi në Facebook Lajçak ku ka bërë një përmbledhje të takimeve të tij që zhvilloi javën e kaluar me Kurtin si dhe me Vuçiçin.
“Java ime e fundit filloi dhe përfundoi në vendet për të cilat Ballkani Perëndimor është në krye të agjendës. Në Vjenë fola për normalizimin e marrëdhënieve midis Kosovës dhe Serbisë dhe ndikimin e tij në rajonin e gjerë gjatë një paneli diskutimi në Universitetin Webster.
U ktheva në Bruksel, pata një nga shkëmbimet e mia të rregullta me socialdemokratët në Parlamentin Evropian, të cilët ndjekin nga afër rajonin dhe rregullisht udhëtojnë dhe ndërveprojnë me Ballkanin.
Dhe e mbylla javën time në Greqi ku mora pjesë në Forumin Ekonomik vjetor Delphi në qytetin antik të Delphi. Greqia, si një fqinj i drejtpërdrejtë i Ballkanit, e njeh dhe e kupton mirë rajonin dhe prandaj forumi i kushtoi vëmendje të veçantë të ardhmes evropiane të rajonit.
Postimi i plotë:
