Presidenti Bajram Begaj mori pjesë në pritjen me rastin e 100 vjetorit të Komunitetit Mysliman Shqiptar.
Gjatë fjalës së tij, presidenti përmendi persekutimin që iu bëri komunizmi klerikëve myslimanë për shkak të ushtrimit të besimit, një e drejtë themelore e mohuar nga regjimi diktatorial.
Më tej, Begaj shtoi se ka besim se klerikët myslimanë por edhe të besimeve të tjera do të punojnë së bashku për të frymëzuar shqiptarët për t’u angazhuar së bashku, pavarësisht besimit fetar, për përparimin dhe begatinë e vendit, për mirëqenien e shtëpisë sonë të përbashkët, Shqipërisë.
