Tre ditë zie kombëtare. Masakra me tetë fëmijë dhe rojen të vrarë nga një 14-vjeçar, nxënës i shkollës në Beograd ka tronditur Serbinë.
Ministri i Arsimit Branko Ruzhiç, Ministrja e Shëndetësisë Danica Grujiçiç, Ministri i Punëve të Brendshme Bratislav Gashiç dhe shefi i Departamentit të Policisë për qytetin e Beogradit Veselin Miliç iu drejtuan publikut në Qeverinë e Serbisë lidhur me të masakrën që ndodhën mëngjesin e sotëm në shkollën fillore “Vladislav Ribnikar” në Vraçar.
Drejtuesi i policisë deklaroi se 14-vjeçari e planifikoi masakrën për një muaj. Ai, tha drejtuesi, kishte një listë të fëmijëve që planifikonte t’i vriste.
“Ai e kishte planifikuar këtë për një kohë të gjatë. Ai zgjodhi datën e sotme sepse klasa e historisë ishte pranë daljes së shkollës. Ai kishte katër kokteje molotov në çantën e tij dhe e qëlloi rojen nga çanta e shpinës menjëherë pasi kishte mbërritur në shkollë.
Nga dera e klasës ka qëlluar mësuesen dhe më pas nxënësit. Pas masakrës del jashtë dhe qëllon të tjerët. Ai vetë e pranoi se e kishte planifikuar këtë, dhe ne kemi një listë të fëmijëve që ai kishte planifikuar t’i likuidonte. A
i përpunoi një plan për hyrjen dhe daljen nga shkolla dhe vendosi objektiva prioritare. Ai kishte planifikuar saktësisht se si do ta likuidonte cilin fëmijë” tha Miliç.
