Fredi Beleri, kandidat për bashkinë e Himarës u arrestua pak pas mesnate me akuzën e blerjes së votave. Dy ditë përpara zgjedhjeve, pyetja që lind është; a mund të kandidojë ai për zgjedhjet e 14 Majit?
Edhe pse është në qeli, të dielën Fredi Beleri mund të vazhdojë të kandidojë. Arrestimi nuk e pengon atë të jetë kandidat dhe fleta e votimit vijon të ketë emrin e tij përballë Jorgo Goros.
Ligji nuk e pengon një të arrestuar ende të padënuar të jetë kandidat.
Por çfarë ndodh nëse ai fiton?
Këtu futemi në skenarë. Ligji e lejon kryeministrin që të shkarkojë kryetarët e bashkive kur kapen në shkelje të rënda.
Një gjë e tillë në qeverisjen Rama ka ndodhur me Shukri Xhelilin, Fatos Tushen apo Lefter Allën sapo janë arrestuar.
Gjithashtu Beleri mund ta humbasë mandatin e kryebashkiakut, nëse dënohet me vendim të formës së prerë.
