Zbardhen të tjera detaje në lidhje me arrestimin e kandidatit të ‘Bashkë Fitojmë’ për bashkinë e Himarës, Fredi Beleri, i cili akuzohet për blerje votash.
Siç është parë edhe nga videoja që por qarkullon në media në momentin arrestimit Beleri ndodhej në lokalin e tij i shoqëruar me avokatin e tij dhe një person tjetër. Në media raportohet se edhe këto të dy janë arrestuar.
Ndërkohë, mësohet se një prej të arrestuarve është ndjerë keq gjatë arrestimit, pasi vuante nga problemet e zemrës. Ndaj është dashur që të ndërhyjë një ambulancë për dërgimin e tij në spital.
Duke marrë shkas nga tensionet e së shkuarës në këtë bashki, Beleri dhe personat e tjerë të arrestuar janë shoqëruar në drejtorinë e Policisë së Vlorës. Raportohet se në komisariatin e Himarës kanë qëndruar përgjatë gjithë natës mbështes të Belerit.
