Kryetari i KQZ-së, Ilirjan Celibashi në mbyllje të procesit të votimit u shpreh se mund të cilësohet normal, referuar denoncimeve të pakta. Theksin e vendosi te problemet me identifikimin elektronik.
“Janë 4497 qendra votime që në kohë reale përcjellin informacion në KQZ. Dhe për këto kemi edhe numrin e votuesve 998633 votues. Përqindja në pjesëmarrje për këto qendra është 31.42%. Duke parë denoncimet procesi ka shkuar mirë.
Por duke ndjekur edhe raportimet e medias edhe komunikime individuale me kandidatët, këto të dhëna të lë të kuptosh që ka probleme, por gjithsesi në vlerësimin tim procesi në tërësi mund të konsiderohet normal dhe anormalitetet nuk e bëjnë të gjithë procesin problematik. Por duhet të presim të gjithë përfundimin e procesit.
Nëse dikush do ta tërheqë KQZ-në në një debat jo produktiv ne nuk kemi përse ta bëjmë. Nëse ajo çfarë klasifikohet si problematikë në lidhje me funksionimin e pajisjeve të identifikimit ka cenuar një interes themelor të disa votuesve patjetër që ne mund t’u themi njohim përgjegjësinë dhe ndjesën e kemi kërkuar” tha Celibashi.
