Bashkia e Himarës ishte një nga surprizat e këtyre zgjedhjeve. Fredi Beleri arriti që të fitonte edhe pse u arrestua. Por mandatin nuk e ka të sigurt.
Tani nisin skenarët. Në lojë janë disa, bashkë me presion e hapur dhe të fortë të Greqisë. Janë dy mundësi që Beleri të mos betohet si kryetar bashkie.
Së pari, nëse gjykata e shpall fajtor për korrupsion aktiv në zgjedhje me vendim të formës së prerë. Mundësia e dytë është që mandati t’i ndërpritet me vendim të Këshillit të Ministrave pa pritur vendimet e gjykatave.
Edi Rama gjatë tre mandateve në krye të qeverisë ka precedentë të qartë. Në momentin që një kryetar bashkie është arrestuar është shkarkuar nga qeveria direkt.
Fatos Tushe i Lushnjes dhe Lefter Alla i Bulqizës janë dy rastet e fundit. Por si do të veprojë me Belerin përballë presion të Greqisë, a do të dorëzohet Rama?
