A keni ju projekte konkrete për Shkodrën?
Nuk është dita për të folur për këto. Ne i kemi disa projekte, por sigurisht do duhen edhe të tjera, por ajo që është më e rëndësishme është leximi i këtij mesazhi të jashtëzakonshëm, jo vetëm për Partinë Socialiste, por edhe për ju, për median.
Është për të gjithë ata që kanë një rol dhe një zë publik me siguri, sepse flet për diçka vërtet spektakolare që ka ndodhur. Ky spektakël është shumë më tepër se kaq dhe edhe për ne ka për ne pjesën e vet shpërblyese, sepse natyrisht nuk e fsheh dot se në një ndeshje futesh për të fituar dhe fitorja është e ëmbël.
Por, kjo ka edhe pjesën e vet që duhet lexuar me kujdes, sepse është një mesazh shprese, pritshmëria është shumë e lartë. Asnjëherë deri më tani njerëzit nuk kanë disktuuar në fund të ditës se të vetmit që mund ta çojmë vendin para, jemi ne. Dhe ky nuk është slogan, por është një realitet.
