Qeveria ka bërë gati projektin për Tushemishtin. Projektin e shëtitores e ka publikuar kryeministri Edi Rama që shkruan se kjo ndërhyrje, brenda harkut kohor të 12 muajve, do të sjellë një ndryshim tërësor në rrugën e Rilindjes së Pogradecit.
“Kantieri i madh i Shëtitores dhe Unazës së Tushemishtit, ku një tjetër nga xhevahiret e natyrës shqiptare po vihet në dispozicion të turizmit dhe ekonomisë, me një projekt që nis nga ura e Drilonit, kalon në burimet e Zagorçanit dhe arrin në pikën doganore të Tushemishtit. Kjo ndërhyrje, brenda harkut kohor të 12 muajve, do të sjellë një ndryshim tërësor me impakt të rëndësishëm në rrugën e Rilindjes së Pogradecit” shkruan ai.
