Transportonte me furgon, kundrejt pagesës 300-1000 euro për person, 25 të huaj që do të kalonin ilegalisht kufirin, kapet dhe vihet në pranga 28-vjeçari.
Sekuestrohen automjeti furgon, një aparat celular dhe një shumë parash. I arrestuari është S. Z. 28 vjeç, banues në fshatin Belorta, Korçë.
Sapo ka konstatuar se ishte në ndjekje nga policia, ka tentuar të largohet me shpejtësi me automjet, duke mos iu bindur urdhrit të punonjësve për të ndaluar, por menjëherë është kapur dhe neutralizuar.
Nga tërësia e veprimeve hetimore dhe provat e siguruara, rezultoi se 28-vjeçari do t’i transportonte emigrantët, kundrejt pagesës 300-1000 euro secili, me qëllim që të kalonin në mënyrë të paligjshme drejt vendeve të BE-së.
