Një ngjarje e rëndë është shënuar mëngjesin e sotëm në Tiranë, ku një 40-vjeçar është gjetur i vdekur në banesë dhe sipas dyshimeve të para, ka vrarë veten me armë zjarri.
Ngjarja ka ndodhur në rrugën “Don Bosko” në kryeqytet, ndërkohë policia ndodhet në vendngjarje dhe grupi hetimor po punon për sqarimin e rrethanave.
“Tiranë/Informacion paraprak: Më datë 25.05.2023, rreth orës 06:15, në rrugën “Don Bosko”, dyshohet se është vetëvrarë, me armë zjarri pistoletë, në banesën e tij, shtetasi A. Gj., 40 vjeç. Grupi hetimor ndodhet në vendngjarje dhe po punon për sqarimin e rrethanave të ngjarjes.”, njofton Policia e Tiranës.
