Boksieri shqiptar, Migen Pepa është vetë dorëzuar në policinë greke pasi ka goditur një shtetas grek pas një konflikti të rastit.
Vetë dorëzimi i Pepës ka ndodhur 7 ditë pas ngjarjes dhe personi i cili është goditur ndodhet në reanimacion. Sipas mediave greke i plagosuri është identifikuar si 36-vjeçari Thanos Adam.
Migen Pepa është dorëzuar në polici i shoqëruar nga avokati i tij ku ka dëshmuar në lidhje me ngjarjen.
Sipas mediave greke ngjarja ka ndodhur të premten në darkë teksa 36-vjeçari grek po shkonte drejt makinës së tij. Në ato momente ai ka debatuar me dy persona ku më pas është goditur nga Pepa.
Mediat greke dyshojnë se Thanos është goditur me sende të forta ose me grusht profesional në kokë nga Pepa pasi gjendja e tij është e rëndë.
