Detaje të reja janë zbardhur nga ngjarja e rëndë e cila u regjistrua pasditen e sotme në Bërxullë ku mbeti i vdekur një 7-vjeçar pasi u përplas nga 2 makina.
Mësohet se viktima ndodhej në lokalin e të atin në momentin kur një makinë u përplas me një tjetër ku për fat të keq përfunduan në ambientet ku po qëndronte fëmija.
Si pasojë e përplasjes, i mituri humbi jetën në vend.
Policia është duke hetuar shkaqet e përplasjes mes dy automjeteve. Paraprakisht dyshohet që shkak të ketë qenë shpejtësia e lartë ose parakalimi i gabuar.
Shoferët e dy mjeteve nuk kanë pësuar lëndime. Ata u pyetën nga policia për dinamikën e aksidentit.
Tragjike në Tiranë! Dy makina përplasin për vdekje 7-vjeçarin
