Shefja e Epidemiologjisë dhe Sëmundjeve Infektive në Institutin e Shëndetit Publik, Silva Bino pasi doli nga SPAK refuzoi të prononcohej për gazetarët e pranishëm. Bino e revoltuar u kërkoi gazetarëve t’i hapnin rrugën.
“Po jo re, tani ju lutem. Ore jo fare, kam ardhur për punë tjetër. Po jo ore tani ju lutem a jeni në vete, jo,”- tha Bino dhe u largua.
Bino u thirr në SPAK në Ministrinë e Shëndetësisë, ku u arrestua Sekretarja e Përgjithshme e Ministres së Shëndetësisë, Joana Duro dhe zyrtarja tjetër, Laureta Sheta.
Të dyja akuzohen për korrupsion dhe shpërdorim detyre. Duro nuk e ka pranuar akuzën, dhe ka deklaruar se ka kryer vetëm detyrën.
