Kryeministri i Kosovës, Albin Kurti në një intervistë për ka “The Associated Press” ka shprehur ankesën e tij për njëanshmërinë e SHBA-ve dhe BE-së ndaj Kosovës.
“Ne besojmë që duke u sjellur mirë me një autokrat nuk e bën atë më të mirë. Është e kundërta”, ka deklaruar Kurti.
Kurti gjithashtu gjatë intervistës është ankuar se si emisarët Escobar dhe Lajçak, po i shkojnë në takime me kërkesa të Serbisë.
“Po vijnë te ne me kërkesa të palës tjetër”, ka thënë ai për AP-në.
Kurti ka insistuar që forcat speciale policore të Kosovës nuk mund të zvogëlohen me prani në veri, përderisa bandat serbet nuk largohen nga vendi apo nuk arrestohen nga Policia e Kosovës.
Ai e ka akuzuar Beogradin për orkestrimin e dhunës në veri. Për zgjedhjet e reja në veri Kurti tha se ato duhet të organizohen mirë, me kampanja fer, si dhe t’u paraprijë një proces de-kriminalizimi në veri.
