Mbrëmjen e djeshme një person në Kavajë është arrestuar me urdhër të SPAK nën akuzën e korrupsionit aktiv në zgjedhje.
Ai është Klodian Kapidani, 39 vjeç me banim në Kavajë dhe sipas SPAK, në datën 14 maj, kur u zhvilluan zgjedhjet e përgjithshme vendore për zgjedhjen e organeve të qeverisjes vendore, iu ka premtuar dhe iu ka ofruar personave të tjerë shuma monetare me qëllim për të marrë pjesë në votime, për të siguruar pjesëmarrjen edhe të personave të tjerë në votime, si dhe për të përcaktuar mënyrën e votimit.
SPAK nuk e thotë se për cilin kandidat ka punuar, Fisnik Qosen që fitoi, apo Redjan Kralin që humbi. GJKKO ka caktuar masën e sigurimit “arrest në burg” ndaj 39-vjeçarit, i dyshuar për kryerjen e veprës penale “Korrupsioni aktiv në zgjedhje”.
