Kryetari i bashkisë së New York-ut, Eric Adams, ishte pjesë e një marshimi me emigrantë nga shumica e vendeve të botës që u mbajt në qytetin amerikan, ku në mesin e tyre pati edhe shqiptarë.
Në rrjetet sociale, Adams ka publikuar disa foto, ku ajo që bie në sy është fakti që ai bën simbolin e shqiponjës.
“Emigrantët e ndërtuan qytetin tonë dhe e bëjnë atë të funksionojë çdo ditë. Të gjithë ne kemi ardhur këtu nga diku tjetër. Të gjithë ne kontribuojmë në Ëndrrën Amerikane. Jam krenar që marshoj me vëllezërit dhe motrat e mia emigrante sot”, ka shkruar ai përmes një postimi në Twitter.
Në fotot e publikuara nga Eric Adams nuk kanë munguar as emigrantët shqiptarë, të cilët kanë valëvitur flamurin kuq e zi. Një tjetër burrë kishte marshuar me një bluzë me sloganin “Liria ka emër”.
Immigrants built our city and make it run every day. All of us came here from somewhere else. All of us contribute to the American Dream. Proud to march with my immigrant brothers and sisters today. pic.twitter.com/CewIZSCwBK
— Mayor Eric Adams (@NYCMayor) June 10, 2023
