Pasditen e sotme u raportua se Bashkimi Evropian pritet t’i vendosë sanksione Kosovës dhe në lidhje me këtë ka ardhur edhe reagimi i Aleancës për Ardhmërinë e Kosovës (AAK).
Përmes një reagimi në llogarinë e saj në Facebook AAK u shpreh se Kosova asnjëherë nuk ka qenë në situatë më të rëndë politike, diplomatike dhe të sigurisë sesa sot.
Në shkrimin e publikuar ata kanë kërkuar nga Kurti që urgjentisht t’i bashkërendojë veprimet me aleatët ndërkombëtarë para se gjendja të eskalojë.
Ndërsa për shkak te situatës së krijuar në vend, AAK nesër do të mbajë mbledhje të jashtëzakonshme të Kryesisë.
