Kosova mblodhi mëngjesin e sotëm Këshillin e Sigurisë pas arrestimit të tre policëve nga ushtria serbe. Vendimi kryesor i mbledhjes ishte forcimi i kufirit me Serbinë, në pikat doganore, por edhe vijën tjetër të gjelbër.
Kurti i prerë: Nuk pyesim Brukselin për të arrestuar kriminelët serbë
“Për arsye të sigurisë, si hap i menjëhershëm dhe i domosdoshëm janë shtrënguar kontrollet kufitare me Serbinë, duke kufizuar qarkullimin dhe duke shtuar kontrollet ndaj automjeteve që vinë nga Serbia, sidomos ato transportuese. Si masa të sigurisë kemi marrë vendimin për qarkullim të kufizuar dhe kontrolle të shtuara deri në një vendim tjetër”, tha Kurti.
Sa i sigurt është kufiri me Serbinë? Kurti: Pyesni KFOR-in, ne do ta shtojmë forcat
Kurti zbuloi edhe një prapaskenë për mënyrën si rrodhën ngjarjet deri në këtë pikë. Ai tha se ndërkombëtarët, SHBA-BE i kishin premtuar në mars se nëse shtyhet afati i regjistrimit, Lista Serbe do të marrë pjesë në zgjedhjet në veri në 4 komuna, por në fund nuk ndodhi një gjë e tillë.
A do të pranojë shkëmbimin e policëve me serbin? Kurti: Nuk bëjmë pazare
“Nëse e bëni zbatimin e aneksit në Ohër, Lista Serbe do të futet në zgjedhje. Faktori ndërkombëtar na e premtoi këtë. Prandaj ne e zgjatëm afatin dhe për këtë u bë aneksi i zbatimit. Por Lista Serbe nuk u fut në zgjedhje” tha ai.
