Tre aksidente kanë ndodhur në Tiranë ku si pasojë një person ka humbur jetën dhe dy të tjerë janë plagosur.
Policia bën me dije se E. R 33 vjeç, është arrestuar pasi ditën e djeshme, në bulevardin “Bajram Curri”, duke drejtuar mjetin kamion ka aksidentuar biçiklistin, shtetasin F. Sh., 58 vjeç, i cili si pasojë e plagëve të marra ka ndërruar jetë më pas në spital.
Ndërkohë është arrestuar D. S 53 vjeç, banues në Tiranë, duke drejtuar automjetin ka aksidentuar këmbësorin, shtetasin K. B 62 vjeç, banues në Tiranë, i cili si pasojë është dëmtuar dhe ndodhet në spitali nën kujdesin e mjekëve.
Gjithashtu në pranga ra edhe L. B., 39 vjeç, banues në Tiranë, pasi në bulevardin “Bajram Curri”, duke drejtuar mjetin tip “Benz”, ka aksidentuar shtetasin Sh. A 83 vjeç, i cili ndodhet në spital, nën kujdesin e mjekëve.
