Ambasadorja franceze në Tiranë, Elisabeth Barsacq nga Korça ka kërkuar më shumë punë nga institucionet shqiptare në luftën kundër korrupsionit.
Diplomatja u shpreh se Shqipëria është në fazën ku BE po verifikon se çfarë ka bërë Shqipëria në zbatimin e reformave.
“Duhet të kujtoj se Shqipëria tashmë është në fazën ku komuniteti evropian po verifikon se çfarë Shqipëria ka bërë në zbatimin e reformave.
Ka akoma shumë reforma për të bërë në fusha të ndryshme në atë të qeverisjes luftës kundër korrupsionit, krimit të organizuar.
Ritmi i shkëmbimeve dhe marrëdhënieve me Bashkimin Europian dhe Shqipërinë është një ritëm që përcaktohet vetëm nga Shqipëria” tha Barsacq.
