Kryeministri Edi Rama ka publikuar një reagim nga Brukseli, ku ka folur për procesin e negociatave të Shqipërisë me Bashkimin Europian dhe hapat e ardhshëm drejt anëtarësimit.
Në videon e publikuar, Rama është shprehur se Shqipëria do të vijojë punën për mbylljen e kapitujve negociues, ndërsa ka ironizuar edhe kritikat e opozitës ndaj procesit të integrimit.
“Po si thanë: ‘Iku kjo punë. Nuk ka më negociata’? Por në fakt, jo vetëm ka negociata, por u mbyllën tre kapitujt e parë. Filloi numërimi mbrapsht për mbylljen e kapitujve. Ne do t’i mbyllim të gjithë kapitujt deri në vitin 2027”, tha Rama.
