Eurodeputetja gjermane, Viola von Cramon i ka cilësuar “marrëzi absolute” akuzat e presidentit serb, Aleksandar Vuçiç i cili ka thënë se organizatat nga Gjermania, përfshirë edhe Partinë e Gjelbër gjermane po financojnë protestat kundër tij në Serbi.
Von Cramon ka deklaruar se presidenti dhe qeveria serbe nuk treguan kujdes pas dy tragjedive me vrasje nga të rinjtë që goditën Serbinë dhe për këtë arsye çdo javë mijëra qytetarë po dalin në rrugë.
Ajo shtoi se njerëzit e thjeshtë janë të vetëdijshëm se sistemi është pjesërisht përgjegjës për atë që ndodhi në Serbi, gjë që ka nxitur urrejtje ndaj qeverisë së Vuçiç.
