Presidenti Serb Aleksadër Vuçiç, këtë të shtunë në daljet televizive në Beograd ka folur për iniciativën e qeverisë serbe për nisjen e një rruge të gjatë nga Serbia deri në Mitrovicë të Veriut në Kosovë.
“Jemi të gatshëm të paguajmë për ndërtimin e 45 kilometrave autostradë deri në Mitrovicë”, shprehet Vuçiç.
Ndër të tjera Vuçiç theksoi se Serbia e paguan gjithë investimin, por kërkon nga SHBA të sigurohet që Kosova nuk e kthen në problem.
“Ne po paguajmë gjithçka, çmimin e plotë, vetëm që amerikanët të sigurohen që Prishtina të mos shkaktojë probleme për këtë çështje”, ka shtuar Vuçiç.
