Testamenti i ish-kryeministrit italian, Silvio Berlusconi është hapur sot në Milano dhe përmbajtja e tij është lexuar para dy avokatëve.
5 fëmijët e Cavaliere dinë gjithçka që përmendet në testament. Por se çfarë saktësoi manjati italian në lidhje me këtë pasuri të luajtshme dhe të paluajtshme, e cila përfshin tre kanale televizive, një shtëpi botuese, një kompani sigurimesh dhe një ekip futbolli, nuk dihet ende nga mediat.
Më herët, noteri i Berlusconit, Arrigo Roweda u tha gazetarëve të pranishëm se nuk do tu jepte as një informacion.
“Është e kotë të qëndrosh këtu, nuk mund të them asgjë. Nuk do të mësoni asgjë nga unë sot, nesër apo kurrë,” u shpreh Roweda.
Pyetja kryesore është nëse pasuria totale, vlera e së cilës vlerësohet në rreth 4 miliardë euro, do të ndahet në mënyrë të barabartë midis 5 fëmijëve të Berlusconit.
