Presidentja e Kosovës, Vjosa Osmani për mes një postimi në llogarinë e saj në Facebook ka reaguar në lidhje me takimin e zhvilluar ditën e sotme me kryeministrin, Edi Rama.
Në reagimin e saj Osmani shkruan se në takim me Ramën ka diskutuar për proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit.
“Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike.”, ka shkruar më tej Osmani.
Pas takimit me Osmanin, Rama do të takohet me kryeparlamentarin Glauk Konjufca.
