Emigrantët kanë çuar drejt dorëheqjes kryeministrin e Holandës, Mark Rutte. “Nuk është sekret që me partnerët e koalicionit kemi mendime të ndryshme për politikën e emigracionit. Fatkeqësisht më duhet të pohoj se këto dallime janë bërë të pakapërcyeshme. Prandaj, me shkrim, do t’i paraqes mbretit dorëheqjen e të gjithë kabinetit” tha ai.
Tensionet arritën kulmin këtë javë, kur Kryeministri Rutte kërkoi mbështetje për një propozim për të kufizuar hyrjen e fëmijëve të refugjatëve të luftës që janë tashmë në Holandë dhe për t’i detyruar familjet të presin të paktën dy vjet përpara se të bashkohen. Holanda ka një nga politikat më të ashpra të emigracionit në Evropë.
