Avokati i njohur Sajmir Vishaj, i ftuar në “5 Pyetjet” nga Ilir Babaramo, u shpreh se SPAK ka gabuar sa i përket hetimeve të saj mbi inceneratorët, pasi sipas tij, duhet ti kishte hetuar të gjitha aferat në një dosje të vetme, dhe jo veç e veç.
Vishaj nuk nguroi të përmendë edhe aksidentin e disa viteve më parë të Arben Ahmetajt, duke thënë se kjo ndodhi për shkak të këtyre aferave, ndërsa tha se, në biznes nuk ka shokë.
“Fillimisht ishte një person që i nisi të hetohej pasuria. SPAK ka gabuar në lidhje me inceneratorët, pasi nuk mund të vraponte veç e veç, por duhet ti hetonte si të tërë aferën e inceneratorëve. Jemi në një moment të një personi që u përfshi edhe në një aksident shumë të rëndë, për shak të këtyre aferave. Nuk ka shok në biznes.”, deklaroi ndër të tjera në fjalën e tij avokat Vishaj.
