Presidenti Biden po mendon t’i jap Turqisë avionë ushtarakë F-16 dhe kjo menjëherë pasi presidenti Erdogan pranoi të heqë veton ndaj Suedisë për anëtarësimin në NATO.
“Synimi i presidentit amerikan Joe Biden për të vazhduar me transferimin e F-16 në Turqi është në konsultim me Kongresin,” ka njoftuar Këshilltari i Sigurisë Kombëtare i SHBA, Jake Sullivan.
“Ai nuk ka asnjë rezervë për këtë. Ai synon të vazhdojë me këtë transferim,” ka shtuar Këshilltari i Sigurisë Kombëtare i administratës Biden.
Kujtojmë se Turqia ka paraqitur një kërkesë në tetor të vitit 2021 për të blerë F-16 dhe për të vazhduar me modernizimin e flotës së saj ajrore, për 20 miliardë dollarë.
