Gjermania do t’i dërgojë Ukrainës lëshues dhe raketa shtesë për sistemet e mbrojtjes raketore “Patriot” tha sot presidenti ukrainas Volodymyr Zelensky pas takimit në Vilnius të Lituanisë me kancelarin gjerman Olaf Scholz.
“Ne vazhduam bisedën për garancitë e sigurisë për Ukrainën në rrugën e saj drejt NATO-s me kancelarin Scholz. Faleminderit për mbështetjen tuaj,” tha Zelensky në Telegram.
“Unë jam mirënjohës për gatishmërinë e Gjermanisë për mbështetjen afatgjatë dhe shumëvjeçare të Ukrainës dhe mbrojtjen tonë të lirisë. Programet e mbështetjes afatgjata janë sinjali më i mirë për të gjithë në botë se Evropa jonë do të mbetet një hapësirë sigurie dhe paqeje,” ka shtuar Zelensky.
