Moska bëri një paralajmërim sot kundër liderëve ndërkombëtarë që rrisin premtimet e sigurisë ndaj Ukrainës.
“Dhënia e garancive të sigurisë për Ukrainën do të cenonte sigurinë e Federatës Ruse,” ka thënë zëdhënësi i Kremlinit Dmitry Peskov.
Sipas Peskov, veprime të tilla mund të çojnë në pasoja jashtëzakonisht negative afat mesme dhe afatgjata, duke përkeqësuar peizazhin e sigurisë në Evropë.
“Ne shpresojmë se do të tregohet mençuri, sepse përndryshe, duke marrë vendime të tilla, këto vende në fakt po e bëjnë Evropën shumë më të rrezikshme për shumë vite në vijim,” deklaroi zëdhënësi.
Presidenti i SHBA Joe Biden dhe liderët e G7 do të bëjnë një njoftim të madh me presidentin ukrainas Volodymyr Zelensky për rritjen e aftësive ushtarake të Kievit në samitin e NATO-s në kryeqytetin lituanez Vilnius sot.