Opozita nuk lejon zhvillimin e seancës plenare sipas rendit të ditës pa shkuar Edi Rama në Kuvend për të dhënë shpjegime për dosjen e SPAK-ut që kërkon arrestimin e Arben Ahmetajt.
“Këtu është për të qarë dhe për të qeshur. Ore miqtë e mi, kemi vjedhur ne apo ju? I kemi në apo ju në burg. Vetëm heqja e pantallonave në mes të parlamentit ka ngelur.
Të na vijë turp, neve dhe juve bashkë. Jemi kthyer në barsoleta. Situata është aq e turpshme sa nuk ka ku të shkojë më. Uroj që Ahmetaj të vijë të përballet” tha Dashnor Sula.
Flamur Noka këmbënguli duke mos hequr dorë nga kërkesa për praninë e Ramës. “Ka turp më të madh se sot ajo karrige (e Ramës) rri bosh. Ju (qeveria) jeni organizatë kriminale. Kaloni gjëra duke u zgërdhirë.
Të trajtohet një cështje pa qenë këtu shefi i Ahmetajt, ose i hajdutëve. Kryeministri të vijë këtu dhe të japë llogari. Në cdo vend të botës cdo kryeministër do të kishte ikur jo nga qeveria por politika. Sot harrojeni që të ketë seancë pa kryeministrin” tha ai.
