Maqedonia e Veriut dhe Serbia sot do të inagurojnë sot sistemin e integruar elektronik për pagesën e taksës rrugore.
Ky sistem i përbashkët që është projekt i “Ballkanit të Hapur” do të promovohet sot në pikën e pagesës rrugore Preshevë, e cila do të shërbejë si pikë shitëse mobile.
Përmes këtij sistemi mundësohet pagesë elektronike nëpër pikat përkatëse, që vetëm me një TAG paguhet taksa e rrugës në vendet e tjera, pa ndaluar apo blerë biletë shtesë.
Në ceremoni do të jenë kryeministrat Dimitar Kovaçevski dhe Ana Bërnabiç, por edhe ministrat e transportit dhe lidhjeve të Serbisë dhe RMV-së etj.
Ky sistem i përbashkët i njohur si ENP u promovua vitin e kaluar në samitin e Ballkanit të Hapur në Ohër nga Dimitar Kovaçevski, Edi Rama dhe Aleksandar Vuçiç.
