Një aksident i rëndë ka ndodhur mesditën e sotme në Llogara, ku mësohet se dy automjete janë përplasur me njëra – tjetrën.
Si pasojë e këtij aksidenti mësohet se janë plagosur disa persona, të cilët udhëtonin me këto mjete.
Sipas dëshmitarëve në vendin e aksidentit, nga përplasja, të dy mjetet për pak rrezikuan të binin në greminë, por fatmirësisht ngecën në barrierat anësore të rrugës.
Policia dhe grupi hetimor kanë shkuar në vendin e ngjarjes dhe kanë nisur hetimet përkatëse, ndërsa të plagosurit janë dërguar për marrjen e ndihmës mjekësore.