Dy persona janë arrestuar për vrasjen e një shqiptari mesditën e djeshme në Italia dhe plagosjen e dy të tjerëve, që ndodhen në spital. Viktima është 24-vjeç.
Dy të plagosurit janë 26 dhe 28-vjeç. Pas krimit në Padova, autorët u larguan me shpejtësi me një “Clio” të kuqe, por u kapën në Friuli.
“Vrasja ndodhi në orën 14:00 të një të diele me diell në korrik. Tre shqiptarë mbeten në tokë. Një i vdekur: është 24 vjeç.
Goditjet në gjoks nuk i dhanë mundësi. Me të mbërritur ekipet e shpëtimit u përpoqën, por menjëherë u kuptua se fati i tij ishte vulosur.
Dy të plagosurit janë përkatësisht 26 dhe 28 vjeç. Autorët njiheshin me të plagosurit dhe viktimën. Ndoshta askush nuk hodhi hipotezën se mosmarrëveshja do të përfundonte me gjakderdhje.
Përplasja u zhvillua në një mjedis banimi në lagjen Forcellini ku drama të këtyre përmasave nuk kishin ndodhur asnjëherë para ditës së djeshme, 23 korrik” shkruajnë mediat italiane.
