Kryeministri grek, Kyriakos Mitsotakis ka bërë një deklaratë në parlament ku tha se ka “tre ditë të vështira përpara nesh” përpara se sinoptikanët të presin uljen e temperaturave në Rodos, por për javët e mbetura “ne të gjithë duhet të jemi në gatishmëri të vazhdueshme,” thotë ai.
“Në Rodos, pas ditës së dytë, pati disa shenja qetësimi të situatës. Por më vonë, flakët mbuluan me shpejtësi një zonë të madhe, në të njëjtën kohë kur 15 aeroplanë zjarrfikës po vepronin dhe dhjetëra kamionë zjarri,” thotë Mitsotakis
“Kjo betejë është e pabarabartë dhe do të vazhdojë të jetë e tillë për sa kohë që kushtet mbeten të vështira. Jemi në luftë me zjarrin dhe do të rindërtojmë gjithçka që kemi humbur, do të kompensojmë këdo që është prekur,” shprehet kryeministri grek.
Ai thotë se Rodosi do të mbetet “flamuri” i vendit për turizmin, duke shtuar se vetëm 10% e turistëve në ishull janë prekur nga zjarret.
