Një zjarr është shfaqur mbrëmjen e sotme në fshatin Rroshnik në Berat. Zjarri ka përparuar drejt ullishtave të kësaj zone, i favorizuar nga era dhe temperaturat e larta.
Drejt zonës së zjarrit janë nisur 3 mjete zjarrfikëse dhe 12 punonjës, që janë duke luftuar me flakët për ti shuar ato.
Deri tani duket se situata po shkon drejt normalizimit, por ende nuk është mundësuar lokalizimi i plotë i flakëve dhe shuarja e vatrave të zjarrit. Nuk dihet ende sesa hektarë ullishte janë përfshirë nga flakët, pasi zjarri është duke vazhduar.
