Pylli i Peshtanit në Fier vijon të jetë i rrethuar nga flakët edhe ditën e sotme pavarësisht uljes së temperaturave nën disa gradë.
Ky fakt duket se nuk po u vjen aspak në ndihmë zjarrfikësve të cilët mbeten ende të përfshirë në mision për shuarjen e zjarrit.
Një vatër e cila ka qëndruar aktive përgjatë natës ka marrë përhapje më të gjerë duke rrezikuar edhe banesat në Kraps, por u neturalizua shpejt nga zjarrfikësit.
Në zonë ndodhen 6 mjete zjarrfikëse, 80 forca ushtrie dhe në ndihmë të tyre është edhe helikopteri “Cougar”, ky i fundit i pranishëm që prej ditës së djeshme.
Kujtojmë se ditën e djeshme u dogjën dy banesa të pabanueshme si dhe një dhomë që përdorej si kuzhinë.
