Presidentja e Kosovës, Vjosa Osmani i ka dënuar kërcënimet që u janë bërë policëve të rinj serbë në veri të Kosovës, të cilët morën këtë detyrën së fundmi.
“Policia jonë është profesionale dhe multietnike. Kjo fushatë duhet të ndalet dhe autorët të dalin para drejtësisë. Ne qëndrojmë me policët tanë, ndërsa ata me guxim shërbejnë për një Kosovë më të sigurt për të gjithë,” shkruan Osmani.
Presidentja ka shkruar në profilin e saj në Twitter se këto kërcënime vijnë nga Serbia dhe grupet e saj kriminale.
Autoritetet në Kosovë bëjnë me dije se 72 policë të rinj nga komunitetet e pakicave kombëtare nisën punën në fillim të kësaj jave. Policia tha se 45 prej tyre janë serbë, 16 boshnjakë, 8 nga komunitetet rom, ashkali dhe egjiptian dhe tre turq.
I condemn the threats on 🇽🇰 Police officers by Serbia &its criminal groups. Our police is professional & multiethnic. This campaign must be stopped and the perpetrators must be brought to justice. We stand with our police officers while they bravely serve for a safer 🇽🇰 for all.
— Vjosa Osmani (@VjosaOsmaniPRKS) July 26, 2023
