Prokuroria Tiranë kërkon sekuestrimin e pasurive të Ndue Gjergjit dhe familjarëve të tij me vlerë 20 milionë euro me argumentin se dyshohet se rrjedhin nga veprimtaria kriminale.
Prokuroria thotë se Gjergji është pjesë e një grupi kriminal në trafikun e drogës. Paraprakisht, “janë identifikuar pasuritë të cilat dyshohet se nuk justifikohen nga pikëpamja ekonomike dhe dyshohet se lidhen dhe rrjedhin nga veprimtaria kriminale” thuhet në njoftim.
Në fund, prokuroria thekson se kërkoi sekuestrimin e 31 pasurive, të cilat në total kanë një vlerë transaksioni 6 milionë euro por që në vlerë tregu përllogariten në 20 milionë euro.
