Eksperti i kriminalistikës, Ervin Karamuço ka kritikuar veprimet e fundit të policisë së shtetit kundrejt ngjarjes së fundit në Maliq, ku burri vrau bashkëshorten e tij e të nesërmen në arrati dhe ndjekje nga policia vrau dhe veten.
“Kush epror policie ka zhvilluar operacionin për kapjen e një krimineli të armatosur në Zemblak/ Maliq?
Kush është ai që mburret për aksion me rrezikshmëri të lartë, ndërkohë që pamjet e dronit të policisë nxjerrin zbuluar një skandal që kushton jetë policësh?
Si mund të dërgosh në operacion policë pa antiplumb, kur personi që kërkojnë, ju përgjigj me armë, duke ju rrezikuar jetën?
Urime heronjve blu, por video e publikuar nga policia më dëshpëroi shumë. Mu kujtua dëshmori fundit Saimir Hoxha. Ai do kishte shpëtuar nëse do kishte veshur antiplumb,” shkruan Karamuço.
