Foto ilustruese
Prokuroria e Posaçme mbylli hetimet dhe çoi për gjykim dosjen në ngarkim të të pandehurve Gregor (alias Ledion) Likaj, Arbër Saraseli, Saverjo Imeraj dhe Qemal Pekmezi të akuzuar për prodhim dhe trafik droge, grup të strukturuar kriminal, organizatë kriminale.
SPAK thotë se më datë 07 gusht 2022, katër të pandehurit, duke shfrytëzuar mjete lundruese me mbishkrimet “Syri”, “Eljo”, “Open Space/Amantia” të sekuestruara në tranversën e “Gjirit të Arushës”, rreth 13.4 milje nga bregu, kanë realizuar transportimin dhe trafikimin e sasisë prej 153 pako, me peshë totale 992 kg lëndë kanabis tek mjeti tjetër lundrues varkë me vela e quajtur “Scarabeo”.
Veliera është sekuestruar nga shërbimet policore të Guardia Di Finanzza Itali,dhe në brendësi të tij është sekuestruar sasia prej 992 kg kanabis e trafikuar nga të pandehurit, si dhe janë arrestuar dy ukrainas që ndodheshin në bordin e njësisë së lundrimit varkë me vela e quajtur “Scarabeo”.
