Zbardhet mekanizmi se si biznesmenët Klodian Zoto dhe Mirel Mërtiri që të humbisni gjurmët se ishin pronarët e vërtetë të inceneratorit të Tiranës.
SPAK sekuestron inceneratorin e Tiranës: Zoto dhe Mërtiri, pronarë de-facto!
Nga hetimet 3-vjeçare, rezultoi se Zoto dhe Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, si dhe janë pronarët “de facto” të shoqërisë mëmë të saj, të themeluar në Hollandë, “Integrated Energy B.V”, ndryshuar më pas me emrin “Geogenix B.V”.
Nga provat e marra gjatë hetimit ka rezultuar se, Zoto dhe Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.
SPAK ‘zbërthen’ skemën: Si Zoto e Mërtiri përfituan mbi 400 milionë lekë!
Është evidentuar gjithashtu fakti se shtetasit Klodian Zoto dhe Mirel Mërtiri, janë personat që kanë udhëzuar dhe kanë marrë vendimet në lidhje me shoqërinë koncesionare “Integrated Energy B.V SPV” sh.p.k. dhe shoqërinë mëmë në Holandë me emrin e mëparshëm “Integrated Energy B.V.”, aktualisht “Geogenix B.V.”, që përkon nga momenti i themelimit të këtyre shoqërive e në vijimësi, informon SPAK.
