Polonia do të rrisë numrin e ushtarëve të saj në kufirin me Bjellorusinë, pasi dy helikopterë shkelën hapësirën ajrore.
Lajmin e ka konfirmuar sot Ministria e Mbrojtjes polake.
Sipas njoftimit, NATO është njoftuar për këtë incident ndërsa përfaqësuesi i Bjellorusisë është thirrur për shpjegime.
Në reagimin e parë, Minsk i quajti “të egër” akuzat për shkeljen e hapësirës ajrore polake nga helikopterët bjellorusë.
“Akuzat për shkeljen e hapësirës ajrore polake nga helikopterët Mi-24 dhe Mi-8 të Forcave Ajrore Bjelloruse janë skandaloze dhe bëhen nga udhëheqja ushtarake dhe politike polake për të justifikuar grumbullimin e forcave në kufirin bjellorusi”, tha ministria.
