Pas Francës, Polonisë dhe Mbretërisë së Bashkuar, Italia është tani një zonë e ndaluar për përformimin e koncerteve për reperin amerikan Kaney West, lidhur me deklaratat e tij antisemite.
Kaney West duhej të performonte në qytetin verior të Reggio Emilia në korrik për një koncert, por ai u anulua me kërkesë të komunitetit vendas hebre. Kryetarja e komunitetit, Nicoletta Uzzieli, u kishte bërë thirrje zyrtarëve vendas që ta zëvendësonin koncertin me një paraqitje që do ta “rikthente muzikën në plan të parë si një forcë globale unifikuese”.
Prefekti i zonës, Salvatore Angieri, deklaroi se vendimi u mor duke marrë parasysh disa faktorë, përfshirë anulimet e mëparshme të koncerteve të artistit në vende të tjera dhe rrezikun e protestave kundërshtuese.
Edhe pse Kanye West është detyruar t’i kërkojë falje komunitetit hebraik në muajt e fundit për shkak të deklaratave të tij antisemite, një numër koncertesh të tij janë anuluar, duke i sjellë pasoja për karrierën.
Ndërsa West në postimin e tij në X shkruan se “Kjo qeveri qëndron fort me komunitetin hebre dhe ne nuk do ta ndalojmë luftën tonë për t’u përballur dhe për të mposhtur helmin e antisemitizmit. Ne gjithmonë do të marrim masat e nevojshme për të mbrojtur publikun dhe për të mbrojtur vlerat tona”.
