Policia bën me dije se gjatë kontrolleve parandaluese në rrugët e Tiranës, është ndaluar automjeti me drejtues qytetarin me inicialet Sh. Sh., pasi po përdorte aparatin celular dhe nuk kishte vendosur rripin e sigurimit.
Për të shmangur masën administrative, ai ka tentuar të korruptojë punonjësit e policisë, duke i ofruar atyre një shumë parash.
Pas kësaj, policia ka referuar materialet procedurale në prokurori për veprën penale “Korrupsioni aktiv i personave që ushtrojnë funksione publike” për të.
Tashmë shkon në 67 numri i drejtuesve të automjeteve, të cilët kanë tentuar të korruptojnë punonjësit e policisë, me qëllim shmangien e detyrimeve ligjore apo të masave administrative sipas njoftimit nga ky autoritet.
